Veels geluk! Abraham H de Vries word vandag 75

Abraham (Braam) de Vries, een van die meesters van die Afrikaanse kortverhaal, word vandag 75 jaar oud. Veels geluk!

De Vries pryk hierdie week op die voorblad van Rapport Boeke en LitNet het ‘n spesiale verjaarsdagblad met artikels oor dié skrywer uit hul argiewe saamgestel.

By Boekenbrug skryf Wium van Zyl oor De Vries se oeuvre en ‘n paar persoonlike staaltjies wat hy by De Vries se groot vriend Izak Bruwer gehoor het. Van Zyl meen die tyd is ryp vir die instel van ’n jaarlikse Abraham H. de Vries-prys vir die Afrikaanse kortverhaal.

“Ek het grootgeword met diewe en moordenaars wat ontsnap het en dan in vervalle murasies of in Swartberg se klowe tussen ruie bosse wegkruip. Gange waarin iemand afstap en dan skielik die reuk van die dood kry, vrouens wie se hare in een nag heel­temal grys word, gesmoorde gille, dig toe vertrekke waarin klippe of klonte vars bloed op mense val, dit het nie net in my nagmerries bestaan nie. Maar daar was ook dié stories wat jou ­gevoelens verwar het…”

So vat ’n fiktiewe skrywer in ­Abraham H. de Vries se Skaduwees tussen skaduwees (1997) die Kannalandse oerbronne saam waaruit sy verhaalkuns sou ontstaan het. Op ­abstrakter vlak verwys hy daarna as die onbegryplike, die verskriklike, die onverwagte en (soms) droefheid.

• Volledige artikel: Boekenbrug

In Rapport Boeke skryf prof Hans Ester, van die Radboud-universiteit in Nijmegen, oor De Vries se werk en sy band met Nederland. Volgens Ester vind ‘n mens “waarneming, humor en ’n diep gevoeligheid vir ander mense se lewensverhale” in De Vries se boeke:

Of jy met Braam de Vries deur Kaapstad of deur Amsterdam loop, maak nie saak nie. Braam is ewe tuis in albei stede.

Amsterdam het hy in die 1960’s leer ken tydens sy studie van Nederlands en taalwetenskap aan die Universiteit van Amsterdam.

Wie sy boek van 1968 met die titel Joernaal uit ’n gragtehuis lees, kom onder die indruk van Braam se besonderse waarnemingsvermoë.

• Volledige artikel: Rapport

• Besoek die spesiale verjaarsdagblad vir De Vries op LitNet

Boekbesonderhede

• Die behoue huis: ‘n Keur uit die kortverhale van Abraham H. de Vries deur Abraham H. de Vries
  Boek se tuisblad
  EAN: 9780798152792
  Spoor hierdie boek met BOOK Finder op!

Nuwe Woordfees-optrede: Marita van der Vyver gesels oor haar komende roman

Nog ‘n wonderlike toevoeging tot die propvol Woordfeesprogram is hierdie week aangekondig toe Marita van der Vyver bevestig het dat sy vanuit Frankryk gaan kom om aan ‘n middagetegesprek oor haar komende roman deel te neem.

Op 7 Maart om 12:00 sal Van der Vyver saam met feesgangers aansit vir ‘n heerlik middagete by die Knorhoek-wynplaas. Haar uitgewer, Riana Barnard, sal met haar in gesprek tree oor haar nuwe roman wat in Oktober vanjaar verskyn. Van der Vyver gaan ook as beoordelaar vir die fees se WOORDtroFEE-toekennings optree.

’n Verrassing wag op boekliefhebbers by vanjaar se US Woordfees in die vorm van die gewilde skrywer Marita van der Vyver. Van der Vyver, wat deesdae in Frankryk woon, tree op as beoordelaar vir die fees se WOORDtroFEE-toekennings en gaan ook as spesiale feesgas oor ‘n plaasmiddagete oor haar nuwe roman gesels.

Dié gesprek vind plaas op 7 Maart op die Knorhoek-wynplaas. Haar uitgewer, Riana Barnard, gaan die gespreksleier wees.

• Volledige artikel: Volksblad

Terwyl jy wag vir Van der Vyver om na Suid-Afrika te kom, kan jy solank met haar in kontak bly deur haar boekeblog te besoek. Van der Vyver het die skakel vir haar blog met LitNet gedeel, sowel as vyf ander webtuistes wat sy gereeld besoek en geniet:

1. Flavorwire

Interessante en amusante kulturele nuus, soos byvoorbeeld die 30 bitsigste aanmerkings wat beroemde skrywers oor ander beroemde skrywers gemaak het – eina!.

2. Advanced Style

‘n Jong man dwaal daagliks deur die strate van New York en neem foto’s van stylvolle “bejaardes” tussen 70 en 100 jaar oud. Medisyne vir enigiemand wat bang is vir die ouderdom.

• Volledige artikel: LitNet

• Besoek Marita van der Vyver se boekeblog

Boekbesonderhede

• Dis koue kos, skat deur Marita van der Vyver
  Boek se tuisblad
  EAN: 9780624048855
  Spoor hierdie boek met BOOK Finder op!

• Sommerkos in Provence deur Marita van der Vyver
  Boek se tuisblad
  EAN: 9780624047223
  Spoor hierdie boek met BOOK Finder op!