Books LIVE Community Sign up

Login to BooksLIVE

Forgotten password?

Forgotten your password?

Enter your username or email address and we'll send you reset instructions

Books LIVE

NB

@ Books LIVE

Melanie Grobler ontgin die reistema in haar nuwe digbundel, Deur ruite van reis

Deur die ruite van reisMelanie Grobler se nuutste digbundel, Deur die ruite van reis, verskyn vandeesmaand by Human & Rousseau:

Melanie Grobler verstaan die kuns om die leser los te maak van die aarde en die aardse: Die reistema, geografies sowel as deur streke van die gees, is dan ook ’n bindende en fassinerende faktor in haar nuwe digbundel. Ook die reis na die gedig, en telkens sien die leser die digter onderweg na die gedig. Die spreker van die verse vereenselwig haar dikwels met sjamaan-figure of mistici of gestorwe voorouers en hul transendentale reise. Die digter se reis stem dus by implikasie ooreen met dié van die sjamaan wat die doderyk besoek om iets waardevols vir die lewendes terug te bring.

Grobler se beelde is verrassend en lewenskragtig, en dit lok die leser om teen vermoedens in na betekenis te soek. In ’n sekere sin is hierdie soeke na ’n ewig ontwykende betekenis die ware betekenis van ’n gedig. Betowerende en evokatiewe verse.

Oor die outeur

Melanie Grobler is ’n vavkadviseur vir Engels in Limpopo Provinsie; interne moderator vir Engels Eerste Addisionele Taal; lid van die Nasionale Taakspan vir die ontwerp en skryf van die Nasionale Kurrikulumverklaring (Algemeen) Graad 10-12 vir Tale (alle taalvlakke) en die Leerprogramriglyne vir Tale. Grobler werk huidiglik as uitgewer by Best Books.

Boekbesonderhede

 

Please register or log in to comment