Huisgenoot bied aan: Boektoer met Deon Meyer ter viering van sy nuwe roman Kobra

by NB Publishers on Oct 29th, 2013

Bennie Griessel, almal se gunsteling-polisieman, is terug in Kobra, Deon Meyer se nuutste misdaadroman wat in November op die rakke verskyn.

Tussen 16 en 23 November doen Meyer ’n landwye boektoer om die boek bekend te stel. Tydens die toer sal Huisgenoot se boekeredakteur, Elna van der Merwe, hom ook uitvra oor sy bedrywige lewe, wat draaiboeke vir TV en film en ’n motorfietsboek insluit.

Drie van die boekkuiers gebeur om gesellige restauranttafels en een tydens ’n Lize Beekman-konsert. Om alles te kroon is daar ook ‘n Gautreinrit saam met Deon Meyer! Op 23 November om 09:30 vertrek die Gautrein van Hatfield-stasie na Rosebank. Ry saam met die misdaadskrywer, laat jou boek teken, geniet die gesprek en ete in die Karoo Cattle and Land en ry weer met die Gautrein terug na Pretoria op die tyd wat jou pas. Albei treinritte is gratis en die kaartjies gaan aan die eerste 100 lesers wat bespreek.

Daar is geen verskoning om hierdie wonderlike geleentheid mis te loop nie!

Besonderhede: Kaapstad

Datum: Saterdag 16 November
Tyd: 10:00
Plek: Barnyard-teater Willowbridge
39 Carl Cronje-rylaan
Tygervallei
Kaapstad | Padkaart
Verversings: Pizza en twee drankies
Koste: R180
RSVP: Kevin du Toit, 021 406 4446

Besonderhede: Bloemfontein

Datum: Dinsdag 19 November
Tyd: 18:30
Plek: Innie Skuur @ Meerkatkolonie
Drakensberglaan
Langenhovenpark
Bloemfontein | Padkaart
Verversings: Burger en tjips; twee drankies
Koste: R180
RSVP: Kevin du Toit, 021 406 4446

Besonderhede: Pretoria

Datum: Woensdag 20 November
Tyd: 20:00
Plek: Atterbury-teater
Hoek van Lynnwoodweg en Daventrystraat
Lynnwood
Pretoria | Padkaart
Koste: R150
Bespreek: Computicket

Besonderhede: Johannesburg

Datum: Saterdag 23 November
Tyd: 10:30
Plek: Karoo Cattle and Land Restaurant
187 Oxford straat
Rosebank
Johannesburg | Padkaart
Verversings: Burgers en twee drankies
Koste: R180
RSVP: Kevin du Toit, 021 406 4446