Sunday Times Books LIVE Community Sign up

Login to Sunday Times Books LIVE

Forgotten password?

Forgotten your password?

Enter your username or email address and we'll send you reset instructions

Sunday Times Books LIVE

NB

@ Sunday Times Books LIVE

Marlene van der Westhuizen gesels oor haar nuwe kookboek, Geheime van ’n Franse kookklas

Bekendstelling: Geheime van 'n Franse kookklas

 
Marlene van der Westhuizen se nuutste kookboek Secrets of a French Cooking Class het onlangs by Bookstorm verskyn en is in Johannesburg by Love Books bekendgestel. Van der Westhuizen het voor die bekendstelling met Books LIVE gesels oor Geheime van ’n Franse kookklas, die Afrikaanse weergawe van haar boek wat deur Human & Rousseau versprei word.
 
Bekendstelling: Geheime van 'n Franse kookklasGeheime van ’n Franse kookklas1. Jou jongste kookboek is pas op die rakke in beide Engels en Afrikaans – Geheime van ’n Franse kookklas. Wat het jou laat besluit om jou geheime te verklap?

Weet jy die mense kom by my en daar is sulke basiese goed wat hulle nie ken nie. Dit is vreeslik lekker as ’n ou al ’n bietjie geleer het en jy kan begin oefen en jy kan foute maak en jy kan saamwerk daaraan. Ek moet sê dit is nogal geheime, ek hét daarmee my geheime verklap. Alles wat ek vir mense vertel in kursusse staan in die boek. Ek was nog nooit precious oor wat ek weet nie, ek voel nogal as jy iets weet deel dit.

2. Watter ooreenkomste en verskille is daar tussen Franse en Suid-Afrikaanse kos?

Baie, baie ooreenkomste, baie meer ooreenkomste as verskille. Ek sal sê dis ons heritage, dis waar ons kos vandaan kom. Die goed het ander name maar ek herken alles. Daar’s baie min waarmee ek te doen het wat ek nie absoluut herken nie. Van wors, tot, jy weet boerewors, droëwors… Clafoutis soos wat hulle dit noem, is ’n variasie op wat ons ken as afvalstukke met so ’n klap deeg oor, hulle voeg net kersies by, maar die prinsiep is dieselfde. Crepes is pannekoek! En so gaan dit aan! Meringues is skuimpies. Ons praat van ’n kaassous, hulle praat van ’n béchamel. Baie van die tegnieke wat ons gebruik is maar Frans.

3. Is jy ’n kulinêre puris of voeg jy soms Suid-Afrikaanse geure by jou Franse disse?

Nee, ek is nie soseer ’n puris nie, ek hou van uitdagings, maar ek het iewers iets gelees en ek stem daarmee saam: “You learn how to cook Italian food, but you master French food.” Ek hou van die uitdagings van die emulsies en hoe om met eiers te werk en mayonnaises, hollandaise souse. Ek hou daarvan om ’n sous te reduce, ek hou daarvan om met verskillende geure te werk en te eksperimenteer. Nee, ek is definitief nie ’n puris nie.

4. Waar eet jy graag? Noem jou gunsteling restaurant in Kaapstad en Johannesburg.

In Johannesburg is dit baie moeilik vir my om te sê want ek kom min hier en ek eet by my sus. Sy maak ongelooflike lekker kos. Ek was eintlik baie lanklaas by ’n restaurant hier. Alhoewel David Higgs se plek is fantasties. En dan in die Kaap op die oomblik is dit vir my ongelooflik lekker om by Chefs Warehouse te gaan eet. Chefs Warehouse is in Breëstraat en die sjef is Liam Tomlin. Hy’s ’n Ierse sjef wat ’n restaurant in Sydney met die naam van Bank gehad het en hy is ook nou in die Kaap. Dit is ’n fantastiese restaurant.

5. Wie is jou gunsteling Suid-Afrikaanse kok?

Ek het ’n klomp. Ek hou van Pete Lockwood se kos, hy’t ’n baie easy manier van kook. Ek hou van Liam Tomlin se kos, ek hou van Rudi Liebenberg se kos, ek hou van David Higgs se kos, ek hou baie van Bertus Basson se kos.

6. Noem jou top vyf bestanddele.

Olyfolie, as jy dit ’n bestanddeel kan noem. Alle vleis, alle rooivleis. Ek hou baie daarvan om met afval te kook, maar dan die volledige spektrum, van kalfkop tot pens tot pote tot giblets tot alle afval! Ek hou van groente, maar ek hou daarvan om groente so bietjie anders aan te wend as wat mens dit normaalweg sal doen. Jy weet ek sal warm groente saam met koud bedien of ek sal mozzarella kaas bysit.

7. Met watter sintuig, buiten smaak, kook jy die meeste?

Ek gebruik al my sintuie – ek kyk, ek hoor, ek ruik, ek voel – ek gebruik almal. Ek kook baie op gehoor, ek luister. Ek luister na wat gaan in die pot aan, ek kan ’n oond oopmaak en luister en weet die vleis is okay. Meeste sjefs kook só. Gehoor is ’n baie belangrike komponent.

8. Wat is jou gunsteling vrug om mee te kook?

Pere. Dis baie versatile. Jy kan dit gebruik saam met wild, ek hou daarvan om dit te gebruik saam met vark. So pere is goed, dis ook baie lekker saam met eend… savoury pears.

9. Hoe eet jy jou vleis?

Rou – rare. En vinnig.

10. Waarmee kan Suid-Afrikaanse lesers Frans-egte produkte vervang? Is daar plaaslike kase en groente was as alternatief tot Franse gunstelinge gebruik kan word? Hoe vergelyk Suid-Afrikaanse en Franse produkte?

Weet jy wat, alles wat in my kookboeke is, kan jy hier kry. Al die Franse produkte wat ek daarso gebruik kan jy hier kry. Dit is nie meer ’n probleem nie. Regtig, regtig nie.

11. Is daar ’n alternatief vir botter en room?

Nee, geen. Inteendeel, ek gooi nog meer by. Niks alternatiewe nie, jy gebruik absoluut volbotter en volroom.

Dis vir my belangrik dat jy dit noem. Ek is glad nie vet nie, en ek eet baie. Die Franse eet vir smaak. In Engels is daar ’n baie nice term vir wyn – hulle praat van ’n full-mouth feel. Jy kry ’n full-mouth feel as ’n wyn perfek is. As jy goeie wyn drink, drink jy nie vreeslik baie daarvan nie, want jy voel redelik gou bevredig. Dis dieselfde met kos. As jy kos eet wat volbotter, volvet, vol spek, a pancetta on the side, bekers vol olyfolie, goed gegeur, eet, eet jy baie minder, want jy is baie gouer tevrede. Dit is nie ’n gevoel wat jy kry as jy ’n hamburger geëet het nie. Daai gevoel wat jy kry as jy ’n hele pak Niknaks geëet het, Oh, I’m starving, dis presies die gevoel wat jy nie kry nie. Dis ook nie die gevoel wat jy kry as jy ’n low fat yoghurt, geëet het nie. Jy’s honger. As jy ’n full fat yoghurt eet is jy versadig tot twee uur vanmiddag, want jy’s tevrede.

So dis vir my ontsaglik belangrik dat ons die hele low fat nonsense los – dis ongesond, daar’s te veel suiker in alle low fat goed – eet full fat.

Wat die Franse ook doen is jy sal ’n voorgereg eet en dan ’n hoofgereg, en na die hoofgereg kry jy slaai. Die slaai bestaan basies uit blare en greens wat jy dan binne-in jou bord skep. En dan mop jy met die greens al jou souse op. Dan kry jy ’n stukkie kaas daarna waarmee jy die res van jou souse eet en dan drink jy jou wyn klaar. En dan daarna is daar gewoonlik ’n soetdingetjie – miskien.

* * * * * * * *

Na die boekgesprek het Van der Westhuizen haar kookboek bekendgestel met ’n heerlike driegangmaaltyd.

Annetjie van Wynegaard (@Annetjievw) het regstreeks met #livebooks getwiet:


 

Boekbesonderhede

 

Please register or log in to comment