Sunday Times Books LIVE Community Sign up

Login to Sunday Times Books LIVE

Forgotten password?

Forgotten your password?

Enter your username or email address and we'll send you reset instructions

Sunday Times Books LIVE

NB

@ Sunday Times Books LIVE

“Afrikaans is en bly my voedingstaal” – Marita van der Vyver besoek die Wes-Kaap (Video)

“Al sou daar ’n post-moderne Babelse verwarring wees, sal Marita van der Vyver in Afrikaans bly skryf. Sela.”

Só skryf Amanda Botha in ‘n artikel vir Netwerk24 oor haar onderhoud met Van der Vyver tydens vanjaar se Franschhoek Literêre Fees.

Die ongelooflike avonture van Hanna HoekomSwemlesse vir 'n meerminOlinosters op die dakRhinocephants on the RoofDie coolste ouma op aarde
Winterkos in ProvenceWinter Food in Provence'n Fontein voor ons deur

 
Op Botha se vraag of Afrikaans nog vir haar ’n voedingsbron is, antwoord Van der Vyver: “Afrikaans is en bly my voedingstaal. Dis my skryftaal en al hoor ek Frans om my terwyl ek sit en skryf, bly ek dink in Afrikaans.”

Die skrywer vertel hoe sy dit regkry om in voeling te bly met haar Afrikaanse leefwêreld en gesels oor die verskillende genres waarin sy boeke skryf.

Lees die artikel:

“Waaraan ek wel moet werk, is om wanneer ek hier is, fyn te luister na taalvariante, modewoorde, veral vir jeugboeke waar dit ’n groot uitdaging bly om voor te bly met die jargon.”

Hoewel sy in alle genres publiseer – romans, kortverhale, essays, kookboeke, jeugboeke en kinderboeke – is die genre-indeling van haar Franse kontreistories altyd ’n probleem vir boekbemarkers, vertel sy. Van der Vyver noem dit haar nie-fiksie-werk. “Dis stories oor ons Franse lewe wat op werklike gebeurtenisse gegrond is, dis feitelik, met miskien hier en daar ’n ekstra skeut verbeelding, maar nogtans meer feite as fiksie.”

Van der Vyver het ook op 19 Mei vanjaar ‘n besoek afgelê aan die Hoërskool DF Malan in Bellville waar sy leerders aangemoedig het om ‘n liefde vir lees te koester.

Die skrywer gesels oor die lewenslesse in Die ongelooflike avonture van Hanna Hoekom en deel ‘n voorsmakie uit die boek se opvolg, Swemlesse vir ‘n meermin.

“Daar is ‘n boek, glo my, vir elke iemand op hierdie aarde,” sê Van der Vyver ter afsluiting.

Kyk na die video:

YouTube Preview Image

Boekbesonderhede

 

Please register or log in to comment