Sunday Times Books LIVE Community Sign up

Login to Sunday Times Books LIVE

Forgotten password?

Forgotten your password?

Enter your username or email address and we'll send you reset instructions

Sunday Times Books LIVE

NB

@ Sunday Times Books LIVE

Twee verruklike deegdisse uit Theresa de Vries se Deeg

Deeg is die enigste boek oor deeg wat jy ooit nodig sal kry!

Alle soorte deeg om terte of pasteie te maak word bespreek – broskors, blaarkors, skilferkors, warmwaterkors, fillo en strudeldeeg, ook die gewilde Marokkaanse ouarkadeeg.

’n Besonderse boek wat al die kunsies van deeg fynkam: bestanddele, toerusting, basiese beginsels en puik resepte.

Deeg dek ook algemene foute wat by deeg kan voorkom en die oorsake daarvan. En om die terte of pasteie te laat pronk gee Theresa wonderlike aanwysings oor hoe om dit alles te versier.

Word ’n bobaas bakker met hierdie boek wat selfs intimiderende deegresepte maklik maak.

Hier is twee verruklike deegdisse – een vir die vleisliefhebbers én die met ‘n soettand!
 

Springbok Wellington

 

Lewer 4 porsies

DEEG
1/2. x resep Blaarkorsdeeg (sien bl. 76)
1 eiergeel vir bo-oor verf

VULSEL
500 g sampioene, skoongemaak en in skyfies gesny
90 ml olyfolie
200 g spinasie, stingels verwyder
1 stuk Springbok-rugfilet (sowat
25 cm lank) of beesfilet sout en peper na smaak
25 ml aangemaakte mosterd
Hanepoot-jagtersous
1 ui, fyngekap
250 g sampioene, skoongevee en fyngekap
25 ml olyfolie
125 ml hanepoot-soetwyn
250 ml vleisaftreksel
125 ml room
50 ml fyngekapte pietersielie sout en peper na smaak

1. Vulsel: Braai sampioene in 40 ml olie tot gaar. Skep sampioene uit pan. Laat afkoel.

2. Dompel die spinasie in ’n kastrol met kokende water net tot dit verwelk. Skep spinasie met gaatjieslepel uit water en plaas oop op kombuispapier om te dreineer. Laat afkoel.

3. Plaas sampioene in ’n voedselverwerker en verwerk tot ’n pasta. Hou eenkant.

4. Geur die vleis met sout en peper. Smeer die vleis reg rondom met mosterd. Plaas in ’n vlak pan en braai in die 50 ml olie tot verse.l aan alle kante. Skep vleis uit die pan. Draai vleis styf toe met kleefplastiek en plaas vleisrol in yskas om heeltemal af te koel.

5. Voorverhit die oond tot 200 ÅãC. Smeer of spuit ’n bakplaat.

6. Deeg: Rol deeg uit in ’n vierkant van 30 cm – en 5 mm dik – op ’n meelbestrooide oppervlak.

7. Smeer die sampioenpasta in die middel van die deegvierkant – so breed soos die vleisrol is.

8. Versprei die spinasie eweredig oor die sampioenlaag.

9. Haal vleisrol uit yskas en verwyder kleefplastiek. Plaas die vleisrol op die spinasielaag. Rol die deeg styf op, soos vir ’n rolkoek. Plaas die deegrol op die bakplaat, met die naatkant na onder.

10. Rol orige deeg uit. Sny blaartjies of versierings uit en plaas op die deegrol. Verf deeg met eiergeel.

11. Bak deegrol vir 30-40 minute of tot goudbruin.

12. Sous: Braai die ui en sampioene in die olie tot sag en deurskynend. Voeg die wyn by en kook vir 2 minute tot die alkohol weggekook het.

13. Voeg die aftreksel en room by. Kook tot sous effens verdik.

14. Roer die pietersielie by. Geur met sout en peper en kook die sous deur.

15. Haal die deegrol uit die oond en sny in porsies. Sit voor met die sous.

 

Suurlemoen-en-grenadellablommetjies

 

 
Lewer 12 groot tertjies

Deeg
1 x resep Warmwaterkorsdeeg
(sien bl. 138)
eierwit vir bo-oor verf

Vulsel
250 ml water
200 g suiker
120 ml mielieblom
6 groot eiergele, geklits
125 ml vars suurlemoensap
1 blikkie (115 g) grenadellapulp
5 ml gerasperde suurlemoenskil
100 ml suurroom
30 ml botter, in blokkies gesny

Meringue
4 eierwitte
2,5 ml kremetart
80 ml witsuiker
45 ml versiersuiker

1. Voorverhit die oond tot 180°C. Smeer of spuit 12 holtes van ’n groot muffinpan.

2. Deeg: Rol louwarm deeg uit tot 3 mm dik op ’n meelbestrooide oppervlak. Druk 12 groot blompatrone met ’n koekiedrukker uit die deeg. Voer holtes van die muffi npan met deegpatrone uit. Sny die kante netjies en prik die deeg met ’n vurk. Bak blind vir 15 minute (sien metode, bl. 13).

3. Haal uit oond, verwyder waspapier en verf eierwit oor die boom van die deeg. Plaas vir nog 5 minute in die oond.

4. Vulsel: Plaas die water, suiker en mielieblom in ’n kastrol.

5. Voeg die eiergele en suurlemoensap by en verhit oor lae hitte. Roer en bring tot kookpunt. Laat kook tot verdik.

6. Voeg die grenadellapulp en suurlemoenskil by die suikermengsel.

7. Roer die botter en suurroom by. Verwyder van hitte. Plaas ’n vel kleefplastiek direk bo-op die vulsel. Laat afkoel.

8. Meringue: Klits die eierwitte en kremetart tot skuimerig en wit.

9. Klits die suiker en versiersuiker stadig by en klits aanhoudend tot dik.

10. Verwyder kleefplastiek en verdeel die vulsel tussen die voorbereide korse.

11. Skep meringue in die spuitsak en spuit klein rosies op die vulsel. Sprinkel die klapper oor.

12. Bak tertjies vir 20 minute of tot die meringue verkleur.

Wenk
Klein blommetjies: Die tertjies kan ook in 2 klein muffinpanne gemaak word om 24 klein tertjies te lewer. Druk 24 kleiner blompatrone met ’n koekiedrukker uit die uitgerolde deeg, voer die 24 muffinholtes daarmee uit en bak en berei soos beskryf.

Deeg

Boekbesonderhede

 

Please register or log in to comment