Books LIVE Community Sign up

Login to BooksLIVE

Forgotten password?

Forgotten your password?

Enter your username or email address and we'll send you reset instructions

Books LIVE

NB

@ Books LIVE

Archive for the ‘Food’ Category

Video: Herman Lensing en Marinda Engelbrecht gesels met Hannes van Wyk oor VOORSKOOT en Lipstiek

VoorskootHerman Lensing en Marinda Engelbrecht is vroeër vanjaar saam gesien op die verhoog in hul teaterproduksie VOORSKOOT & Lipstiek. Lensing is die skrywer van Voorskoot en ook Sarie se kosredakteur; en Engelbrecht is ’n kykNET-Kokkedoor finalis en kinderteater regisseur.

Die produksie het vanjaar by die Woordfees en by die Klein Karoo Nasionale Kunstefees verskyn. In hierdie video gesels Lensing en Engelbrecht met Bravo aanbieder Hannes van Wyk oor hoe die produksie tot stand gekom het, en wat dit als behels om kosteater op die been te kry. Maar, maan die akteurs, hierdie is nie ’n kosdemonstrasie nie, dis kosteater, en as ’n ui brand is die gort gaar.

Kyk die video:

YouTube Preview Image

Boekbesonderhede


» read article

Video: Marita van der Vyver gesels met Riaan Cruywagen oor Winterkos in Provence

Winterkos in ProvenceWinter Food in ProvenceMarita van der Vyver is tans besig met ‘n boektoer ter bekendstelling van haar jongste boek, Winterkos in Provence. Sy het ook op die Dagbreek-stel gaan kuier om met Riaan Cruywagen te gesels.

Van der Vyver noem dat mense vir haar gevra het, “maar wat eet julle die res van die tyd?” nadat haar Somerkos in Provence-boek ‘n paar jaar gelede verskyn het. “Toe dink ons kom ons kyk. Mense dink nie aan Provence in die winter nie, né. Ons het almal die prentjie van die sonneblomme en die laventellande in die somer en éintlik is ‘n klomp van die tipiese produkte eintlik winterprodukte!” Alain, haar man en medeskrywer, gesels ook saam: “She writes, I cook. It’s as simple as that!” sê Van der Vyver se Fransman.

Kyk na die video:

YouTube Preview Image

Boekbesonderhede


» read article

Kokkedoor 2 wenspan gekroon: Kinkelkok Johnny en Onthoukok Elsa

KokkedoorKokkedoor 2 - VersamelresepteDie tweede reeks van die gewilde Kokkedoor-program het tot ‘n einde gekom met die aankondiging van die wenspan: Kinkelkok Johnny en Onthoukok Elsa. Loer na die video hieronder om die kroningsgeleentheid te sien.

Resepte uit hierdie reeks is nou beskikbaar in Kokkedoor 2 – Versamelresepte, saamgestel deur Errieda du Toit, en sluit al die gunstelinge uit dié reeks in.

As jy ook graag sou wou deel neem aan hierdie realiteitsprogram kan jy reageer op kykNET se uitnodiging om in te skryf vir die derde reeks van Kokkedoor deur die inskrywingsvorm in te vul.
 

 

Boekbesonderhede


» read article

Kom kuier saam met Marita van der Vyver tydens haar Winterkos in Provence-bekendstellingstoer

Winterkos in ProvenceWinter Food in ProvenceMarita van der Vyver is tans besig met ‘n kragtoer ter bekendstelling van haar jongste kookboek, Winterkos in Provence. Hierdie geleentheid word met verskeie feesmaatlye gevier waar sy kook, gesels en saam kuier.

Kom geniet ‘n heerlike maaltyd in die Paarl, Pretoria, Franschhoek en Durbanville en ontmoet hierdie gevierde skrywer wat nie aldag in ons geweste kuier nie.

Moet haar nie misloop nie!

Die Paarl

  • Datum: Saterdag 19 Julie 2014
  • Tyd: 18:00 tot 22:00
  • Plek: Grand Roche,
    Plantasiestraat
    Paarl | Padkaart
  • Formaat: Viergangmaaltyd met spesiaal uitgesoekte wyne en gesprek met Isabeau Botha
  • Koste: R495
  • RSVP: Chirstine, 021 863 5100

Pretoria

  • Datum: Woensdag 23 Julie 2014
  • Tyd: 17:30 vir 18:00
  • Plek: Diep in die Berg,
    Disselboomstraat 929,
    Wapadrand,
    Pretoria | Padkaart
  • Formaat: Leserskring‐geleentheid: Tweegangmaaltyd en gesprek met Phyllis Green
  • Koste: R250
  • RSVP: Monean Winterbach, monean@soulsisters.co.za

Franschhoek

  • Datum: 25 tot 27 Julie 2014
  • Tyd: Daagliks
  • Plek: Franschhoek Country House & Villas,
    Hugenootstraat
    Franschhoek | Padkaart
  • Formaat: Uitsoek geleentheid met daaglikse aktiwiteite gereël deur Handpicked. Sluit in: Verblyf in ‘n vyfster villa, etes, broodbakkursus, opwindende sjefs wat aansluit, ‘n kopie van Winterkos in Provence en spesiale voorskoot
  • Koste: R6 350
  • Meer inligting: info@handpicked.co.za

Durbanville

  • Datum: Dinsdag 29 Julie 2014
  • Tyd: 17:30 vir 18:00
  • Plek: Bon Amis Café & Deli,
    Bloemendal,
    M13 Tygerbergvalleipad,
    Durbanville | Padkaart
  • Formaat: Leserskring‐geleentheid: Tweegangmaaltyd en gesprek met Elna van der Merwe
  • Koste: R200
  • RSVP: Monean Winterbach, monean@soulsisters.co.za

Boekbesonderhede


» read article

Jenny & Co to Host Marita van der Vyver for a Discussion on Winter Food in Provence



Winter Food in ProvenceLove Books in association with Jenny & Co are delighted to invite you to an evening of delicious food at the launch of Winter Food in Provence by Marita van der Vyver.

Jenny Crwys-Williams from Talk Radio 702 will be in conversation with Van der Vyver on Thursday 24 July at The Service Station from 6 PM for 6:30 PM. The event costs R350 per person, including a three course meal.

Don’t miss it!

Event Details

  • Date: Thursday, 24 July 2014
  • Time: 6:00 PM for 6:30 PM
  • Venue: The Service Station,
    Bamboo Lifestyle Centre
    Corner Ninth and Street and Rustenberg Road,
    Melville,
    Johannesburg
  • Refreshments: Three course meal, excluding drinks
  • Cover charge: R350
  • RSVP: kate@lovebooks.co.za, 011 726 7408

Book Details


» read article

Kom kuier saam met Elzabé Zietsman en Marita van der Vyver ter viering van Winter in Provence

 
Winterkos in ProvenceWinter Food in ProvenceKom kuier saam met Marita van der Vyver en haar Fransman Alain vir die bekendstelling van haar nuwe kookboek, Winterkos in Provence.

Marita en Alain sal `n kosdemonstrasie gee terwyl Elzabé Zietsman gaste vermaak met haar kabaretkuns en pittige vrae aan die gewilde skryfster.

Die geleentheid vind op 24 Julie om 10:00 plaas by die Atterbury Teater, Lynwood. Kaartjies kos R80 per persoon en kan by Computicket aageskaf word.

Moet dit nie misloop nie!

Besonderhede

Boekbesonderhede


» read article

Groet die pannekoekweer met Errieda du Toit se meng-net-en-bak resep

KokkedoorKokkedoor 2 - Versamelresepte“As jy, soos ek in ‘n huis met ‘n pan grootgeword het, ken jy pannekoek, eet jy pannekoek en bak jy pannekoek. Ek het dit aanvaar as belangrike grondbeginsels van die lewe.” Só skryf Errieda du Toit, die gewilde Huiskok en samesteller van Kokkedoor: Resepte uit jou gunsteling TV-reeks en Kokkedoor 2 – Versamelresepte.

Groet die winter behoorlik met Du Toit se meng-net-en-bak pannekoek-resep wat sy met rooswater en Turkse lekkers optof.

Volg ook haar wenke vir foutlose pannekoeke en lees oor die interessante geskiedenis van hierdie lekkerny:

4 eiers

4 koppies meel

4 koppies water

½ koppie olie

2 t sout

¼ koppie wit asyn

4 t bakpoeier

(Opsioneel: paar druppels rooswater)

Olie vir die pan

Bediening: Kaneelsuiker, suurlemoen. Opsioneel Turkish Delight in sjokolade, opgesny

Boekbesonderhede


» read article

Johan Badenhorst: “Kook is amper net so deel van safari as wat wildkyk is”

Voetspore - 'n Kookboek vir 4x4 entoesiastePhyllis Green het met Johan Badenhorst gesels oor sy nuwe buitelug-kookboek, Voetspore – ‘n Kookboek vir 4×4 entoesiaste.

Badenhorst verduidelik: “Dis gemik op mense wat gaan kamp en kos in die buitelug maak. Dis ’n safarikookboek met resepte wat jy op ’n vuur of op ’n gasstoof kan gaarmaak. Dis relatiewe eenvoudige resepte, want mens kan nie net elke aand braai nie.” Hy gesels ook oor die rol wat sy vrou Alma in die samestelling van dié resepte speel, deel sy beste wenk met betrekking tot potte en panne op reis en die lekker van kosmaak tydens hul avonture.

“Kook is amper net so deel van safari as wat wildkyk is of om ’n kar uit die modder te sleep. Ons is nie sjefs nie, ons is net kokke. Ons maak kos gaar, maar juis daarom maak die bietjie innovering saak,” sê die man agter die Voetspore-faam.

As jy in die buitelug boer en gereeld gaan kamp en op safari gaan, moet jy die kookboek, Voetspore 2 dadelik in jou voertuig se paneelkissie pak.

As jy deur die boek blaai, sal jy sien dis spesiaal saamgestel vir mense wat in die buitelug kook. Johan Badenhorst is ’n ou hand wanneer dit by reis kom. Hy en sy Voetspore-span deurkruis Afrika en maak dokumentêre programme daaroor vir ons wat van die rusbank af saam reis. Hy het al baie lesse geleer oor wat werk in die veld, en wat nie. Natuurlik sluit dit kosmaak in. Volgens hom begin alles by goeie beplanning en daarom deel hy sy advies daaroor in Voetspore 2 (Human & Rousseau, R210). Dit sluit in watter tipe bestanddele, kookware en eetgerei moet saam moet gaan. Hy deel praktiese wenke en beplanningslyste wat jou lewe op safari makliker sal maak. Die res van die boek is gepak met resepte wat hy en sy vrou, Alma saamgestel het. Alle resepte dui voorbereidingstyd aan, maar sê ook hoe lank dit gaan neem om gaar te word.

Boekbesonderhede


» read article

Probeer Jan Braai se resep vir steak-en-moutpastei geïnspireer deur die Ierse weskus

VuurwarmJan Braai, braaikoning en outeur van onder meer Vuurwerk, het onlangs al langs die weskus van Ierland gereis waar hy deur die geure en kleure van die groen heuwels geïnspireer is. In ‘n artikel vir Beeld som hy die avontuur op en deel ‘n lipleklekker resep vir steak-en-moutpastei.

“Dié resep is aangepas dat hy by ons plaaslike braaitoestande pas. Jy maak die pastei se vulsel in ’n potjie en jy braai die deeg op ’n rooster oor die kole,” skryf die braaikoning.

Probeer die resep:

Jy benodig:

2 sopieglase olyfolie

1 kg steak (dikrib is die beste, of kruissnit; in blokkies 2 cm x 2 cm)

2 teelepels sout

1 teelepel swartpeper

1 sopieglas koekmeel

1 ui (fyngekap)

1 wortel (geskil en fyngekap)

2 selderystokkies (fyngekap)

Boekbesonderhede


» read article

Kokkedoor 2 – Versamelresepte saamgestel deur Errieda du Toit beskikbaar na afloop van tweede reeks

Kokkedoor 2 - VersamelresepteSodra die tweede reeks van kykNET se gewilde realiteitstelevisie-program Kokkedoor voltooi word, verskyn Kokkedoor 2 – Versamelresepte, weer saamgestel deur Errieda du Toit, by Human & Rousseau:

Die tweede boek van die uiters gewilde realiteitstelevisie-reeks Kokkedoor.

Dié kookboek bevat die watertand-resepte van die reeks, en daar word al te lekker agter die skerms gekuier. Hierdie boek sluit ook die resepte van die beoordeldaars in, asook die resepte van bekende kospersoonlikhede wat op die Kokkedoorstel ingeloer het. Leer die deelnemers en beoordelaars ken, en soek die groot kokkedoor in jou eie huis deur die resepte te herskep in jou kombuis.

Nostalgie het nog nooit so lekker geproe nie!

Oor die samesteller

Errieda du Toit is ’n bekende in koskringe en een van die meesterbreine agter Kokkedoor. Errieda was van die begin af deel van die program, en het die verfilming van die reeks in Prins Albert meegemaak. Saam met die drie gewilde beoordelaars en onder leiding van Human & Rousseau, het Errieda die resepte gekies en aangepas vir die tuiskombuis. Sy het die fyn oog en geoefende oordeel van ’n koskenner en weet wat vereis word van ’n groot kokkedoor!

Errieda is ’n gesoute kosmens met ’n passie vir onthoukos. Sy het kooktegnieke – van die basiese tot die gevorderde – bemeester en meng tradisie met hope kreatiwiteit om nostalgiese resepte vir die toekoms te herskep. Haar vorige boeke sluit in die gewilde Huiskok glanskok. Sy het ’n program op RSG en skryf gereeld vir ’n reeks drukmedia sowel as aanlyn.

Boekbesonderhede


» read article